- براحة والنبي وبهدوء , أنا بس عايز اللي فاهم يعمل شير بس عشان نوصل الفكرة لأكبر قاعدة.
- في ناس كتير –ويمكن أنت- عايز دولة دينية , وفاكر إن الدولة المدنية دي كفر أو عدم اعتراف بالدين , وكل اللي يقوللك خلفية اسلامية يعني ايه؟ وايه مواااااااال المادة التانية من الدستور ؟؟؟؟
- طيب , أولاً الدولة الدينية أحب أقوللك إنها محصلتش في عهد النبي عليه أفضل الصلاة والسلام لحد دلوقتي , آه متستغربش , النبي عليه الصلاة والسلام أولاً بشر لا يقارن بأي بشر , لا في عدله لا في خلقه , طيب النبي عليه الصلاة والسلام في كل أمور الحياة "الغزوات – الخطط – تولية من بعده" كان بيستخدم أي سياسة؟؟؟؟ هل كان بيفرض أي حاجة فرض كدا ويقول الدين بيقول كدا؟؟؟ هل استخدم سلطته كنبي من عند الله وقال كدا الصح وكدا غلط من غير نقاش ؟؟؟ وكانت الناس حتصدقه ,,, لا طبعاً , عليه الصلاة والسلام كان بيستشير أصحابه في كل غزوة حتى مكانها ومعادها , وياخد برأي الأغلبية.... وقبل ما يموت عليه الصلاة والسلام خير المسلمين وطرح لهم أسماء محترمة وقالهم اختاروا انتو , ولا ننسى الآية "وأمرهم شورى بينهم" يعني الناس تسير أمورها بنفسها وبالتراضي مع بعضها .... لكن الحدود هي اللي مكنش فيها كلام , هي حدود التقاضي , يعني السارق ليه حد , والزاني ليه حد , وكدا ............
طيب , ومن هم بعد النبي عليه الصلاة والسلام ؟؟؟ -خلي بالك , أنا لسة في حكاية السياسة في الدولة الإسلامية مدخلناش في المضمون- ..... من بعده أتى الخلفاء الراشدون ليحكموا بين الناس بمبادىء الإسلام "الحرية العدالة المساواة" , وكان أكبر دليل على إنه الحاكم ده مكنتش له سلطة روحية على الناس يأمرهم ويطيعوه بدون تفكير المرأة في الجامع اللي ردت سيدنا عمر في أمر معين , فقال سيدنا عمر : أصابت إمرأة وأخطأ عمر"....
ربنا عز وجل ذكر كام آية في القرآن "يا أولي الألباب والأبصار وإقرأ " وكتير من الآيات الحاثة على التدبر وإعمال العقل؟؟؟
طيب , من بعد الخلفاء الراشدين احتلو الحكم وعملوها مملكة وتغيرت أمور كتير بس متغيرتش نظام إن الحاكم ده حاكم سياسي ملهوش دعوة بإرشاد الناس الديني والروحاني ... دا حاجة ودا حاجة تانية خالص .
طيب , يعني ايه شريعة ؟؟ الشريعة يا جماعة هي ما أنزل من عند الله بصيغة إفعل ولا تفعل , يعني حاجة مفيهاش كلام , يعني مثلاُ الحرية والعدل والمساواة مفيهمش كلام , الصلاة والصوم .... إلخ , لكن ربنا بعد كدا سبلنا مساحة كبيييييييييرة شان نعلمل فيها عقلنا ونكيف حياتنا بالصح عشان نعمر الدنيا ونعيش بيها , عشان مدا الإسلام دين لكل القرون والعصور والأزمان , طيب أما احنا نسمع كلام الشيخ محمد حسين يعقوب ولا الجماعة اللي بيقطعو في ودان الناس ورجولهم وايدهم ونحر وذبح و......... ليه؟ هل ربنا ودينا قال كدا؟؟؟؟؟ لاااااااا
طيب , الدولة المدنية هي الدولة اللي بتحكم بين الناس على مبادىء سياسية من وضع الإنسان بتراضي الشعب , وبمبدأ المساواة بين جميييييع الناس واحترام كرامة الإنسان وإعمال عقله وعلى تطبيق المنهج العلمي في الإدراة والحكم.
طيب , -معلش خليك معايا- تعالى نفهم يعني ايه الدين يدخل في السياسة , بص , مين عمل نظام الاشتراكية؟؟؟ ماركس , والشيوعية مثلاً؟؟ لينين , والعلمانية ؟ جماعة أمريكان , والليبرالية , واحد لاسع وكدا ....... طيب مين نزل القرآن على النبي عليه الصلاة والسلام؟ الله عز وجل ولله المثل الأعلى , والشريعة والدين كمان , طيب , هل الشريعة أو القرآن تقدر تغير فيهم؟؟؟ يعني تيجي حضرتك تقول على الآية الفلانية لا والنبي أنا عايزها كدا؟؟؟؟ لا طبعااااااااااا .... طيب على الناحية التانية معايا , الأنظمة اللي قلنا عليها دي , الاتشتراكية والليبرالية وهكذذذذذذذذذا , في حد اشتراكي مثلاُ يقدر يقول إن الليبرالية دي غلط خااالص؟؟؟ لا طبعاً , طيب مثلاُ من الناس اللي قالت نعم أو لا في الاستفتاء اللي فات , حد يقدر يقول إن نعم صح خاااالص ولا دي غلط , ؟؟؟ لا طبعاً , طيب حد يقدر يقول إن لا هي الصح ونعم غلط خااالص؟؟؟ لا , عارفين ليه ؟ لإن الأمور اللي حاططها الإنسان الدنيوية دي أمور مش مطلقة , الإنسان بشر يصيب ويخطىء , وكل واحد له طريقته وتفكيره وانتاج إعمال لعقله .... طيب تعالى نجرب , نحط النصوص الثابتة بتاعة ربنا في السياسة المتغيرة اللي ملهاش وش , ايه اللي هيحصل برأيك؟؟؟؟ الإنسان بقى يركن عقله على جنب , ويجيب الشيخ يفكر "في السياسة مش الدين" بدالك , ويقوللك روح يمين وروح شمال , لأ وكمان , لو الشيخ ده قاللك على حاجة "بحكم الدين" في السياسة وطلعت الحاجة دي غلط , هل ده مش حيعني إن الدين غلط؟؟؟ يبقى حتوقف عقلك , وتشكك في دينك....
فهمت بقى إزاي الدين أمرك بإعمال عقلك وخلق الجو السياسي اللي يناسب الناس , والعبادة لله والالتزام بدينه وتظبيط الأمور الروحانية وتعميم الأخلاق الحميدة , مش النبي عليه الصلاة والسلام قال "إنما بعثت لإتمم مكارك الأخلاق"؟؟؟
يعني بنفع ييجي واحد يحكمني وكل واحد بعارضو يدبحو ولا يقطعلو ودنه بحجة إنو مخالف للشريعة وهو أصلاً بيعمل كدا عشان خالفو هو؟؟؟؟؟؟
ايه رأيك في رأي الشيوخ اللي خرجت أيام الثورة وقالت احنا مش حننزل الثورة احنا عايزنها سلمية على الرغم إنهم اتفعل بيهم الأفاعيل في السجون؟؟؟
وايه رأيك في اللي حرمو الموضوع ده خااااالص وقاللك لا يجوز الخروج على الحاكم, الحاكم ده زي ربنا يعبد ومنقولولهوش بم ...... واللي يفتح بقو يقتل!!!؟؟
وايه رأيك في اللي طلعو في مظاهرة ربع مليون عشان كاميليا شحاتة ومطلعوش بيان واحد عشان الشهيد سيد بلال؟؟؟؟ ولا حتى "خالد سعيد" واكتفى ياسر برهامي بقوله "نحتسبه عند الله"!!!!! هل دي مساواة أو عدل؟؟؟
هو الدين يا جماعة يعني عبادة أشخاص والتفريط في حقوقي واسيب ناس تتحكم في قراراتنا وحياتنا كلها ؟؟؟؟
طيب . كل شعوب العالم بتاخد من المبادىء السامية لدين الأغلبية من سكانها وتطبقها , يعني من غير ما تقول المادة التانية موجودة في كل دساتير العالم وكل شعب وله ديانة ياخد منها أهم المبادىء العظيمة مبادىء العدل والحرية المساواة والرحمة والحقوق , والدولة تصون دور العبادة وتدعم رجال الدين في بث الأخلاق بين الناس و مثلاً تحفيظ القرآن وتدعيم قيم المواطنة وقيم الدين الصحيح , ويكون الدين هو المنارة اللي يهتدي بيها الإنسان في حياته , وهو المنظم لمعاملاته بينه وبين ربه وبينه وبين الناس....
تخيلو يا جامعة لو حافظنا على الدولة بالشكل الحر الرئاع ده , تخيلو لو رجعت للأزهر قوته وقيمته حيعمل ايه للناس؟ , مش حنحافظ على ديننا ونكبر بيه وسط الأمم؟؟ لما تتقدم مصر وتكون مثال يحتذى به وسط الأمم مش حيقولو دولة اسلامية عملت كدا بردو؟؟؟ ولما البرازيل مثلاً أو كوبا تنهض , ماهي دولة أغلبيتها مسيحيين , مش كبرو بدينهم وعاشو كما أرادنا الله معملين للعقل والحرية تكون للجميع في كل حاجة زي ما ربنا انزلها , في العقيدة في التعبير في الفكر ........ ؟؟ طب ايه رأيكم في الصومال؟ أو افغانستان؟ خمسين مليشية كل وحدة بتقول احنا عندنا الشرعة الصح واحنا اللي حنطبقه واللي حيعارضنا يدبح , وخد عندك ده يدبح من هنا وده يدبح من هنا .... هل ده سلوك أو منهج حياة؟؟؟؟؟
ومننساش كلنا مقولة الإمام الشعراوي , "أدعو رجال السياسة للدين ولا أدعو الدين للسياسة" ومتسمعش بقى كلام اللي بيشوهو صورتو عشان يسيطرو هما على عقول الناس
ايه رأيك دلوقت؟؟؟ نفكر ونعمل عقلنا صح ونعز ديننا بقوة دولتنا المدنية اللي تحترم الحقوق والحريات والقائمة على نظام سياسي واضح واللي فيها الرئيس هو خادم الشعب , , ولا نجيب تلاتة اربعة عشان هما مشايخ يفتولنا في كل حاجة في السياسة في الفيزيا ويحرمو ويحللو ويمنعو المظاهرات ويدبحو في الناس على أساس إنه اللي حيعارضهم يبقى عارض ربنا ..... هل الكلام ده صح؟؟ هل ده اللي أمرنا بيه ربنا وديننا؟؟؟
والنبي يا شيخ ومن نبى النبي , ما عايزك غير تعمل عقلك بس , وتحكم دينك القويم الحق , ومتسمعش كلام اللي عايزين يغشوك ويضحكو عليك ويسيطرو على عقلك باسم الدين , ويقولو عن المشايخ الكبار المعتدلين إنهم مبيفهموش أو كفرة !!!!!, إنت إنسان وعندك كرامة , فشغل مخك وحكن عقلك واستفتي قلبك وان افتوك
- في ناس كتير –ويمكن أنت- عايز دولة دينية , وفاكر إن الدولة المدنية دي كفر أو عدم اعتراف بالدين , وكل اللي يقوللك خلفية اسلامية يعني ايه؟ وايه مواااااااال المادة التانية من الدستور ؟؟؟؟
- طيب , أولاً الدولة الدينية أحب أقوللك إنها محصلتش في عهد النبي عليه أفضل الصلاة والسلام لحد دلوقتي , آه متستغربش , النبي عليه الصلاة والسلام أولاً بشر لا يقارن بأي بشر , لا في عدله لا في خلقه , طيب النبي عليه الصلاة والسلام في كل أمور الحياة "الغزوات – الخطط – تولية من بعده" كان بيستخدم أي سياسة؟؟؟؟ هل كان بيفرض أي حاجة فرض كدا ويقول الدين بيقول كدا؟؟؟ هل استخدم سلطته كنبي من عند الله وقال كدا الصح وكدا غلط من غير نقاش ؟؟؟ وكانت الناس حتصدقه ,,, لا طبعاً , عليه الصلاة والسلام كان بيستشير أصحابه في كل غزوة حتى مكانها ومعادها , وياخد برأي الأغلبية.... وقبل ما يموت عليه الصلاة والسلام خير المسلمين وطرح لهم أسماء محترمة وقالهم اختاروا انتو , ولا ننسى الآية "وأمرهم شورى بينهم" يعني الناس تسير أمورها بنفسها وبالتراضي مع بعضها .... لكن الحدود هي اللي مكنش فيها كلام , هي حدود التقاضي , يعني السارق ليه حد , والزاني ليه حد , وكدا ............
طيب , ومن هم بعد النبي عليه الصلاة والسلام ؟؟؟ -خلي بالك , أنا لسة في حكاية السياسة في الدولة الإسلامية مدخلناش في المضمون- ..... من بعده أتى الخلفاء الراشدون ليحكموا بين الناس بمبادىء الإسلام "الحرية العدالة المساواة" , وكان أكبر دليل على إنه الحاكم ده مكنتش له سلطة روحية على الناس يأمرهم ويطيعوه بدون تفكير المرأة في الجامع اللي ردت سيدنا عمر في أمر معين , فقال سيدنا عمر : أصابت إمرأة وأخطأ عمر"....
ربنا عز وجل ذكر كام آية في القرآن "يا أولي الألباب والأبصار وإقرأ " وكتير من الآيات الحاثة على التدبر وإعمال العقل؟؟؟
طيب , من بعد الخلفاء الراشدين احتلو الحكم وعملوها مملكة وتغيرت أمور كتير بس متغيرتش نظام إن الحاكم ده حاكم سياسي ملهوش دعوة بإرشاد الناس الديني والروحاني ... دا حاجة ودا حاجة تانية خالص .
طيب , يعني ايه شريعة ؟؟ الشريعة يا جماعة هي ما أنزل من عند الله بصيغة إفعل ولا تفعل , يعني حاجة مفيهاش كلام , يعني مثلاُ الحرية والعدل والمساواة مفيهمش كلام , الصلاة والصوم .... إلخ , لكن ربنا بعد كدا سبلنا مساحة كبيييييييييرة شان نعلمل فيها عقلنا ونكيف حياتنا بالصح عشان نعمر الدنيا ونعيش بيها , عشان مدا الإسلام دين لكل القرون والعصور والأزمان , طيب أما احنا نسمع كلام الشيخ محمد حسين يعقوب ولا الجماعة اللي بيقطعو في ودان الناس ورجولهم وايدهم ونحر وذبح و......... ليه؟ هل ربنا ودينا قال كدا؟؟؟؟؟ لاااااااا
طيب , الدولة المدنية هي الدولة اللي بتحكم بين الناس على مبادىء سياسية من وضع الإنسان بتراضي الشعب , وبمبدأ المساواة بين جميييييع الناس واحترام كرامة الإنسان وإعمال عقله وعلى تطبيق المنهج العلمي في الإدراة والحكم.
طيب , -معلش خليك معايا- تعالى نفهم يعني ايه الدين يدخل في السياسة , بص , مين عمل نظام الاشتراكية؟؟؟ ماركس , والشيوعية مثلاً؟؟ لينين , والعلمانية ؟ جماعة أمريكان , والليبرالية , واحد لاسع وكدا ....... طيب مين نزل القرآن على النبي عليه الصلاة والسلام؟ الله عز وجل ولله المثل الأعلى , والشريعة والدين كمان , طيب , هل الشريعة أو القرآن تقدر تغير فيهم؟؟؟ يعني تيجي حضرتك تقول على الآية الفلانية لا والنبي أنا عايزها كدا؟؟؟؟ لا طبعااااااااااا .... طيب على الناحية التانية معايا , الأنظمة اللي قلنا عليها دي , الاتشتراكية والليبرالية وهكذذذذذذذذذا , في حد اشتراكي مثلاُ يقدر يقول إن الليبرالية دي غلط خااالص؟؟؟ لا طبعاً , طيب مثلاُ من الناس اللي قالت نعم أو لا في الاستفتاء اللي فات , حد يقدر يقول إن نعم صح خاااالص ولا دي غلط , ؟؟؟ لا طبعاً , طيب حد يقدر يقول إن لا هي الصح ونعم غلط خااالص؟؟؟ لا , عارفين ليه ؟ لإن الأمور اللي حاططها الإنسان الدنيوية دي أمور مش مطلقة , الإنسان بشر يصيب ويخطىء , وكل واحد له طريقته وتفكيره وانتاج إعمال لعقله .... طيب تعالى نجرب , نحط النصوص الثابتة بتاعة ربنا في السياسة المتغيرة اللي ملهاش وش , ايه اللي هيحصل برأيك؟؟؟؟ الإنسان بقى يركن عقله على جنب , ويجيب الشيخ يفكر "في السياسة مش الدين" بدالك , ويقوللك روح يمين وروح شمال , لأ وكمان , لو الشيخ ده قاللك على حاجة "بحكم الدين" في السياسة وطلعت الحاجة دي غلط , هل ده مش حيعني إن الدين غلط؟؟؟ يبقى حتوقف عقلك , وتشكك في دينك....
فهمت بقى إزاي الدين أمرك بإعمال عقلك وخلق الجو السياسي اللي يناسب الناس , والعبادة لله والالتزام بدينه وتظبيط الأمور الروحانية وتعميم الأخلاق الحميدة , مش النبي عليه الصلاة والسلام قال "إنما بعثت لإتمم مكارك الأخلاق"؟؟؟
يعني بنفع ييجي واحد يحكمني وكل واحد بعارضو يدبحو ولا يقطعلو ودنه بحجة إنو مخالف للشريعة وهو أصلاً بيعمل كدا عشان خالفو هو؟؟؟؟؟؟
ايه رأيك في رأي الشيوخ اللي خرجت أيام الثورة وقالت احنا مش حننزل الثورة احنا عايزنها سلمية على الرغم إنهم اتفعل بيهم الأفاعيل في السجون؟؟؟
وايه رأيك في اللي حرمو الموضوع ده خااااالص وقاللك لا يجوز الخروج على الحاكم, الحاكم ده زي ربنا يعبد ومنقولولهوش بم ...... واللي يفتح بقو يقتل!!!؟؟
وايه رأيك في اللي طلعو في مظاهرة ربع مليون عشان كاميليا شحاتة ومطلعوش بيان واحد عشان الشهيد سيد بلال؟؟؟؟ ولا حتى "خالد سعيد" واكتفى ياسر برهامي بقوله "نحتسبه عند الله"!!!!! هل دي مساواة أو عدل؟؟؟
هو الدين يا جماعة يعني عبادة أشخاص والتفريط في حقوقي واسيب ناس تتحكم في قراراتنا وحياتنا كلها ؟؟؟؟
طيب . كل شعوب العالم بتاخد من المبادىء السامية لدين الأغلبية من سكانها وتطبقها , يعني من غير ما تقول المادة التانية موجودة في كل دساتير العالم وكل شعب وله ديانة ياخد منها أهم المبادىء العظيمة مبادىء العدل والحرية المساواة والرحمة والحقوق , والدولة تصون دور العبادة وتدعم رجال الدين في بث الأخلاق بين الناس و مثلاً تحفيظ القرآن وتدعيم قيم المواطنة وقيم الدين الصحيح , ويكون الدين هو المنارة اللي يهتدي بيها الإنسان في حياته , وهو المنظم لمعاملاته بينه وبين ربه وبينه وبين الناس....
تخيلو يا جامعة لو حافظنا على الدولة بالشكل الحر الرئاع ده , تخيلو لو رجعت للأزهر قوته وقيمته حيعمل ايه للناس؟ , مش حنحافظ على ديننا ونكبر بيه وسط الأمم؟؟ لما تتقدم مصر وتكون مثال يحتذى به وسط الأمم مش حيقولو دولة اسلامية عملت كدا بردو؟؟؟ ولما البرازيل مثلاً أو كوبا تنهض , ماهي دولة أغلبيتها مسيحيين , مش كبرو بدينهم وعاشو كما أرادنا الله معملين للعقل والحرية تكون للجميع في كل حاجة زي ما ربنا انزلها , في العقيدة في التعبير في الفكر ........ ؟؟ طب ايه رأيكم في الصومال؟ أو افغانستان؟ خمسين مليشية كل وحدة بتقول احنا عندنا الشرعة الصح واحنا اللي حنطبقه واللي حيعارضنا يدبح , وخد عندك ده يدبح من هنا وده يدبح من هنا .... هل ده سلوك أو منهج حياة؟؟؟؟؟
ومننساش كلنا مقولة الإمام الشعراوي , "أدعو رجال السياسة للدين ولا أدعو الدين للسياسة" ومتسمعش بقى كلام اللي بيشوهو صورتو عشان يسيطرو هما على عقول الناس
ايه رأيك دلوقت؟؟؟ نفكر ونعمل عقلنا صح ونعز ديننا بقوة دولتنا المدنية اللي تحترم الحقوق والحريات والقائمة على نظام سياسي واضح واللي فيها الرئيس هو خادم الشعب , , ولا نجيب تلاتة اربعة عشان هما مشايخ يفتولنا في كل حاجة في السياسة في الفيزيا ويحرمو ويحللو ويمنعو المظاهرات ويدبحو في الناس على أساس إنه اللي حيعارضهم يبقى عارض ربنا ..... هل الكلام ده صح؟؟ هل ده اللي أمرنا بيه ربنا وديننا؟؟؟
والنبي يا شيخ ومن نبى النبي , ما عايزك غير تعمل عقلك بس , وتحكم دينك القويم الحق , ومتسمعش كلام اللي عايزين يغشوك ويضحكو عليك ويسيطرو على عقلك باسم الدين , ويقولو عن المشايخ الكبار المعتدلين إنهم مبيفهموش أو كفرة !!!!!, إنت إنسان وعندك كرامة , فشغل مخك وحكن عقلك واستفتي قلبك وان افتوك
ليست هناك تعليقات:
إرسال تعليق